Frank Opperman

Frank Opperman (* 8 Junie 1960 in Johannesburg) is 'n Suid-Afrikaanse akteur en musikant. Hy het bekendheid verwerf met die rol Ouboet van Tonder in die TV-reeks Orkney Snork Nie.

Opperman matrikuleer in 1978 aan die Hoërskool Silverton in Pretoria nadat hy verskeie skole in Worcester, Benoni, Hermanus en Middelburg bygewoon het. In 1979 begin hy in die regte studeer aan Tuks, maar verloor gou belangstelling. In 1980 sluit hy by die weermag aan waar hy in 'n militêre marsjeerorkes speel. Ná sy militêre diensplig voltooi hy 'n Nasionale Dramadiploma aan die Technikon Pretoria.

In 1988 trou Opperman met die Suid-Afrikaanse aktrise Susan Coetzer, maar hulle skei in 1992. Hulle het een (nou volwasse) seun, Frankie. Hy is in 2005 met Esmarie Meyer getroud en hulle het 'n dogter, Ena, wat nog op skool is.

Opperman se albums:

• Let´s Be Frank, 2008
• Frankie O, SELECT
• Serial Boyfriend, 1999 GALLO

Van sy toneelstukke:

• Wyk 14 (teks, Dana Snyman, regie Nicky Rebelo)
• Die Uwe Pottie Potgieter (teks, Dana Snyman, regie, Maritz Albert)
• 25 Vrouens
• Gehang
• Meneer de Beer

Van die rolprente waarin Opperman gespeel het:

• Hond se Dinges, 2009 as Rommel
• Vaatjie sien sy gat, 2008
• The Company You Keep, 2003 as Ortega
• Who am I?, 1998 as Interne Sekuriteit (Suid-Afrika)
• Kaalgat tussen die Daisies, 1997
• The Big Time (1995)
• Orkney Snork Nie (Die Moewie), 1992
• Boetie op manoeuvres, 1985 as De Kock
• Boetie gaan border toe, 1984 as De Kock

• Orkney Snork Nie, as Ouboet
• Die Vierde Kabinet, 1998 as Kolonel Yster Swart
• Big Time
• Gauteng Aleng - Aleng, 2003 as Koos Koekemoer

• Afrikaanse musiek
• Lys van Suid-Afrikaanse musikante

• Opperman se amptelike webtuiste
• www.tvsa.co.za
• The Loser Show op YouTube
• Frank Opperman in die Internet-rolprentdatabasis