Vodacombeker

Vodacombeker
'
Die Vodacombeker se kenteken
Sportsoort	Rugby
Gestig	1998
Gestaak	2015
Vervang met	Rugby-uitdaagreeks
Eienaar	Suid-Afrikaanse Rugbyunie
Inwydingseisoen	1998
Deelnemende lande	Suid-Afrika  Namibië  Argentinië  Kenia
Aantal spanne	16
Mees onlangse kampioen	Pumas (2015)
Verwante kompetisies	Curriebeker
Borg(e)	Vodacom

Die Vodacombeker was ’n rugbykompetisie wat van 1998 tot 2015 elke jaar tussen Februarie en Mei in Suid-Afrika gespeel is. Die kompetisie was die derde mees prestigeryke rugbykompetisie in Suid-Afrika, naas Superrugby en die Curriebeker. Dit het oorvleuel met die Superrugbyreeks en geleentheid gebied vir jonger en minder ervare spelers om te ontwikkel. Dit kompetisie is sedert 1998 elke jaar deur Vodacom geborg. Dit is in 2017 deur die Rugby-uitdaagreeks vervang.

Die kompetisie was oop vir die veertien Suid-Afrikaanse rugbyunies, maar spanne van buite Suid-Afrika is ook uitgenooi om deel te neem. Die Welwitschias van Namibië het tussen 1999 en 2001 asook in 2010 en 2011 deelgeneem. Die Pampas XV van Argentinië het vanaf 2010 deelgeneem.^[1][2] Limpopo, wat normaalweg deel van die Blou Bulle vorm, het ook in 2013 as ’n afsonderlike span deelgeneem.

Die volgende spanne het sedert die aanvang daarvan aan die Vodacombeker deelgeneem:

Vodacombeker-spanne
Span	Eerste seisoen	Aantal seisoene	Ander name
Blou Bulle	1998–2015	18
Boland Kavaliers	1998–2015	18	Boland
Grens Bulldogs	1998–2015	18	Grens
OP Kings	1998–2015	18	Magtige Olifante
Valke	1998–2015	18
Vrystaat XV	1998–2015	18	Vrystaat Cheetahs
Goue Leeus	1998–2015	18
Griffons	1998–2015	18	Noord-Vrystaat "Purple People Eaters"
Griekwas	1998–2015	18	Griekwaland-Wes
Luiperds	1998–2015	18	Noordwes
Limpopo	2013–2015	3	Limpopo Blou Bulle
Pampas XV	2010–2013	4
Pumas	1998–2015	18	Mpumalanga Pumas
Haaie XV	1998–2015	18	Natal Wildebeeste
Simba XV	2014	1
SWD Arende	1998–2015	18
Welwitschias	1999–2001, 2010–2011, 2015–2015	6	Namibië Koedoes
Westelike Provinsie	1998–2015	18

Die Vodacombeker se eindstryde het as volg verloop:

Die Goue Leeus het op 27 April 2013 ’n rekordsege teenoor die Limpopo Blou Bulle behaal toe hulle die span met 161–3 geklop het by die Alberton Rugbyklub in Alberton. Die oorwinning is ’n rekord in Suid-Afrikaanse eersterangrugby. Dit oortref die Pumas se vorige Vodacombekerrekord van 154–0 ook teen die Limpopo Blou Bulle. Die 25 drieë wat die Goue Leeus gedruk het is ook ’n Vodacombekerrekord. Daarmee saam het Anthony Volminck ’n rekord nege drieë vir die Goue Leeus gedruk en daarmee Naas Olivier se vorige rekord van 42 punte in ’n wedstryd na 45 verbeter.^[3]

Van 2001 tot 2004 het die spanne wat nie in die boonste 4 plekke geëindig het in die rondomtaliefase nie, in ’n sekondêre kompetisie genaamd die Vodacomskild deelgeneem.