খলিহনা মাছ

খলিহনা মাছ
	খলিহনা মাছৰ ৰেখাচিত্ৰ
সংৰক্ষণ স্থিতি
	; কম উদ্বেগজনক (IUCN 3.1)
বৈজ্ঞানিক শ্ৰেণীবিভাজন
Unrecognized taxon (ঠিক কৰক):	Trichogaster
প্ৰজাতি:	T. fasciata
দ্বৈৰাশিক নামকৰণ
	Trichogaster fasciata; Marcus Elieser Bloch & J. G. Schneider, 1801
সমাৰ্থক
	Colisa fasciata (Bloch & Schneider, 1801); Colisa fasciatus (Bloch & Schneider, 1801); Polyacanthus fasciatus (Bloch & Schneider, 1801); Trichopodus colisa Hamilton, 1822; Trichopodus bejeus Hamilton, 1822; Trichopodus cotra Hamilton, 1822; Colisa vulgaris Cuvier, 1831; Colisa ponticeriana Valenciennes, 1831;

খলিহনা (ইংৰাজী: banded gourami, striped gourami, বৈজ্ঞানিক নাম:Trichogaster fasciata) বিষুৱীয় অঞ্চলত পোৱা এবিধ মাছ। এই মাছবিধ এচিয়াৰ বিভিন্ন দেশ যেনে বাংলাদেশ, পূব-ভাৰত, উত্তৰ-পূব ভাৰত, নেপাল, ম্যানমাৰৰ উজনি অঞ্চল, চীন আৰু পাকিস্তানত পোৱা যায়।^[3]

আকৃতি-প্ৰকৃতি

খলিহনা মাছৰ দেহটো দীঘলীয়া আৰু সংকোচিত। মুখখন সৰু আৰু অলপ বাহিৰলৈ ওলোৱা ধৰণৰ। শৰীৰৰ ৰং সেউজীয়া আৰু পিঠিৰ পৰা পায়ুপথলৈকে হেলনীয়া কমলা বা নীলা ৰঙৰ ৰেখা থাকে।^[4] এই প্ৰজাতিৰ মাছৰ মুঠ আয়ুসকাল প্ৰায় ৪ বছৰ। ইহঁতৰ জীৱনৰ তিনিটা সুকীয়া পৰ্যায় আছে: পোনা মেলাৰ পূৰ্বে (জানুৱাৰী–মাৰ্চ), পোনা মেলা (এপ্ৰিল–আগষ্ট) আৰু পোনা মেলাৰ পিছত (ছেপ্টেম্বৰ–ডিচেম্বৰ)। ১ বছৰ বয়সত ইহঁতে যৌন পৰিপক্বতা লাভ কৰে। মতা আৰু মাইকী মাছৰ মুঠ দৈৰ্ঘ্য ক্ৰমে প্ৰায় ১০ চে.মি. আৰু ৬–৮ চে.মি.। সাধাৰণতে মতাবোৰৰ আকাৰ মাইকীবোৰতকৈ অলপ ডাঙৰ হয়।^[4] ই অপতৃণযুক্ত পৰিৱেশ^[5] যেনে মোহনা, পুখুৰী, বৃহৎ নদী, খাৱৈ, হ্ৰদ^[1]^[6]আৰু ধাননি পথাৰ পছন্দ কৰে।^[1] এই প্ৰজাতিটো ইয়াৰ সুস্বাদু সোৱাদ, পুষ্টিৰ ক্ষেত্ৰত অৰিহণা আৰু একুৰিয়ামৰ মাছ হিচাপে ইয়াৰ আলংকাৰিক মূল্যৰ বাবে জনপ্ৰিয়।^[7]মাছবিধৰ স্বকীয় ৰঙৰ বাবে জাৰ্মানী, হংকং, জাপান, মালয়েছিয়া, কোৰিয়া ৰিপাব্লিক, ছিংগাপুৰ, টাইৱান, থাইলেণ্ড আৰু আমেৰিকালৈ ইয়াক ৰপ্তানি কৰা হৈছে।^[8] পূৰ্বতে এই প্ৰজাতিটো মিঠা পানীৰ পুখুৰী, পুখুৰী, খাৱৈ, জলাশয়, নদী, গছ-গছনি থকা হ্ৰদ আদিত সহজে উপলব্ধ আছিল যদিও বিভিন্ন মানৱসৃষ্ট চাপৰ বাবে এই মাছবিধৰ প্ৰাকৃতিক উৎস দ্ৰুতগতিত হ্ৰাস পাইছে।^[9]

তথ্য সংগ্ৰহ

↑ ^1.0 ^1.1 ^1.2 Vishwanath, W. (2010). Trichogaster fasciata. 2010. p. e.T166485A6219165. doi:10.2305/IUCN.UK.2010-4.RLTS.T166485A6219165.en.
↑ Froese, Rainer; Pauly, Daniel (eds.) (2019). "Tricjogaster fasciata" in FishBase. August 2019 version.
↑ Sumon, K.A. (2017). "Acute toxicity of chlorpyrifos to embryo and larvae of banded gourami Trichogaster fasciata". Journal of Environmental Science and Health, Part B খণ্ড 52 (2): 92–98. doi:10.1080/03601234.2016.1239979. PMID 28099091.
↑ ^4.0 ^4.1 Mitra, K. (2007). "Biology and fishery of banded gourami, Colisa fasciata (Bloch and Schneider 1801) in a floodplain wetland of Ganga river basin". Asian Fisheries Science খণ্ড 20: 409–423.
↑ Menon, A.G.K. (1999), Check list - fresh water fishes of India, Zoological Survey of India, p. 366
↑ Talwar, P.K.; Jhingran, A.G. (1991), Inland fishes of India and adjacent countries, প্ৰকাশক Rotterdam: A.A. Balkema
↑ Goodwin, D. (2003). The practical aquarium fish handbook. প্ৰকাশক New York: Sterling Publishing Company.
↑ Sugunan, V.V. (2002). Ornamental fishes of West Bengal. প্ৰকাশক Kolkata, India: Classic Printers.
↑ Hossen, M.S. (2014). "Effects of polyunsaturated fatty acids (PUFAs) on gonadal maturation and spawning of striped gourami, Colisa fasciatus.". International Aquatic Research খণ্ড 6 (2): 65. doi:10.1007/s40071-014-0065-7.