Proffwydi Islam

"Adda yw proffwyd cyntaf Islam a'r bod dynol cyntaf i gael ei greu." Mae'n ffigwr pwysig yn Iddewiaeth a'r Gristnogaeth hefyd sy'n cael ei gysylltu yn bennaf a hanes Adda ac Efa fel y'i ceir yn Llyfr Genesis, y Coran a ffynonellau eraill.

Roedd Idris yn broffwyd a achubodd y ddynoliaeth rhag sychder mawr trwy weddio ar Dduw am law.

Cysylltir Noa a hanes y Dilyw, ond yn Islam fe'i cofir yn bennaf am hyrwyddo unduwiaeth.

Un o'r ychydig rai i oeroesi dilyw a anfonwyd gan Dduw oedd Hud (Eber), yn ôl y sŵra Hud yn y Coran.

Yn ôl y Coran, dewiswyd Saleh gan Dduw i achub ei bobl rhag cosb ddwyfol.

Ibrahim yw un o broffwydi mwyaf Islam am fod Mwslemiaid yn credi iddo ailgodi'r Kaaba ym Mecca. Ei fab oedd Ishmael.

Cofir am Lot yn Islam am ei ran yn hanes Sodom a Gomorra. Mae Islam yn gwrthod rhai o'r hanesion amdano yn y Hen Destament, iddo feddwi a chysgu gyda'i merched er enghraifft, fel rhai cableddus ac enllibus.

Mab cyntafanedig Ibrahim a phroffwyd mawr yn Islam yw Ishmael. Fe'i cysylltir a darganfod y ffynnon sanctaidd Zamzam, ger Mecca.

Ail fab Abraham oedd Isaac, a ddaeth yn broffwyd yng ngwlad Canaan.

Roedd Yakub yn broffwyd a mab i Isaac, a barhaodd a gwaith ei daid Abraham.

Mab Iacob a disgynydd i Ibrahim oedd Yusuf. Ceir hanes amdano yn gynghori brenin yr Aifft. Yn ôl dysgeidiaeth Islam, bendithwyd Yusuf â harddwch eithriadol.

Bendithwyd Ayyub â ffynnon ieunctid am ei wasanaeth i Dduw yn ei dref ger Al Majdal.

Un o ddisgynyddion Abraham oedd Shu'aib. Roedd yn byw yn ardal Sinai.

Ceir mwy o gyfeiriadau at Musa yn y Qur'an nag at unrhyw broffwyd arall. Credir iddo ddatguddio'r Tawrat (Torah) i'r Hebreaid. Fe'i cysylltir ag ardal Sinai lle cafodd y Deg Gorchymyn wrth arwain yr Hebreaid o'r Aifft i Dir yr Addewid.

Brawd Musa (Moses) oedd Harun (Aaron).

Mae statws Dhul-Kifl fel proffwyd yn ddadleuol yn Islam, er bod parch mawr ato fel arall. Mae rhai ymchwilwyr yn ceisio ei uniaethu ag Obadiah yn y Beibl.

Yn Islam, datgelodd Duw y Zabur (Salmau) i Dawud. Ef hefyd a orchfygodd y cawr Goliath.

Mab Dafydd a phroffwyd doeth oedd Solomon (Arabeg: Süleyman). Cafodd y ddawn i reoli elfennau natur, yn cynnwys y jinn. Roedd ei deyrnas yn ymestyn o Balesteina hyd Arabia, yn ôl y Coran.

Un o ddisgynyddion Harun (Aaron) oedd Ilyas (Elijah), a olynodd y brenin Sulaiman (Solomon).

Proffwyd a arweiniodd ei bobl ar ôl marwolaeth Elija oedd Al-Yasa (Elisha).

Yn Islam mae Duw yn gorchymun Yunus (Jonah) i arwain pobl Ninefeh ar lwybr cyfiawnder.

Yn ddisgynnydd i Solomon, Zakariya (Zechariah) oedd ymgeleddwr Maryam (Mair, mam 'Isa.

Yahya (Ioan) oedd cefnder Isa; does dim cyfeiriad ato yn bedyddio Iesu yn y Coran.

Ystyrir Isa yn un o broffwydi pennaf Islam, fel Eisa al-Maseeh, (Iesu y Meseia). Nid yw'n cael ei dderbyn fel unig Fab Duw ond yn hytrach fel nabi a rasul (negesydd) Duw.

I Fwslemiaid uniongred, Muhammed yw'r olaf o'r proffwydi. Sefydlodd grefydd Islam ar ddechrau'r 7g.