Dinas annibynnol yn nhalaith Missouri, Unol Daleithiau America yw St. Louis. Mae ganddi boblogaeth o 318,069,[1] sy'n ei gwneud yr ail dref fwyaf yn y talaith, ac mae ei harwynebedd yn 171.3 km².[2] Cafodd ei sefydlu (neu ei ymgorffori) yn y flwyddyn 1764.
Dewiswyd safle’r ddinas yn y fan lle mae Afon Missouri’n ymuno âg Afon Mississippi, i fod yn safle marchnata crwyn ym 1764 gan Pierre Laclede Liguest ac Auguste Chouteau. Adeiladwyd pentref, wedi enwi ar ôl brenin Louis IX o Ffrainc, ym 1765. Daeth yr ardal yn eiddo i Sbaen ym 1770, wedyn yn ôl i Ffrainc, ac ar ôl Pwrcas Louisiana ym 1803, yn rhan o’r Unol Daleithiau. Erbyn yr 1890au, roedd St Louis yn bedwerydd ymysg dinasoedd yr Unol Daleithiau ar rhan maint. Daeth Ffair y Byd a’r Gemau Olympaidd i’r ddinas ym 1904, ac ymwelodd dros 20 miliwn o bobl.[3]
Symudodd miloedd o bobl duon o daleithiau’r De rhwng y rhyfeloedd byd. Erbyn 1940, poblogaeth y ddinas oedd 800,000, ac erbyn 1950, 856,000. Roedd tiriogaeth y ddinas yn llawn, a symudodd pobl i Sir St Louis. Erbyn 1980, roedd poblogaeth y ddinas wedi syrthio i 450,000, er oedd canol y ddinas yn lle bywiog.. Adeiladwyd stadiwm pêl-fâs Cardinals St Louis ac un arall ar gyfer Rams St Louis, y tîm pêl-droed Americanaidd, ac adeiladwyd rheilffordd Metrolink St Louis.[3]
.jpg)
