Täkst aw mooringer frasch

Woopen	Tjüschlönjkoord
	54.4770199.051147 Koordinaaten: 54° 29′ N, 9° 3′ O
Gründooten
Bundeslönj:	Slaswik-Holstiinj
Ferwaltingstää:	Hüsem
Grutelse:	2.048,61 km²
Inboogere:	170.007 (31. Det. 2023)[1]
Inboogere per km²:	83 Inboogere per km²
Kfz-Kåntiiken:	NF
Krisnumer:	01 0 54
NUTS:	DEF07
Krisapdiiling:	133 Gemiinde
Adres foon e Krisferwalting:	Marktstraße 6 25813 Hüsem
Internetsid:	www.nordfriesland.de
Lönjrädj:	Florian Lorenzen (CDU)
Lååg foon di Kris Nordfraschlönj önj Slaswik-Holstiinj

E Kris Nordfraschlönj (aw Tjüsch: Nordfriesland, aw Plååttjüsch: Noordfreesland, aw Dånsch: Nordfrisland) as di nordlikste lönjkris önj Tjüschlönj än eefter e grutelse di treede önj Slaswik-Holstiinj. Önjt norden läit et Dånsch, önjt ååsten e Kris Slaswik-Flansborj, önjt sööden e Kris Dithmjarsche än önjt weesten e Weestsiie. Et heet 165.951 manschne (2019)^[2]. E hoodstää foon e kris as Hüsem.

E Kris Nordfraschlönj läit önjt nordweesten foont bundeslönj Slaswik-Holstiinj, twasche e gränse tut Dånsch önjt norden än di Ääder Struum önjt sööden. Di nordlikste punkt önj e kris as List, awt ailönj Sal, wat uk di nordlikste punkt önj Slaswik-Holstiinj än Tjüschlönj as. Di sööderlikste punkt as e müning foon di Ääder Struum. Di weestlikste punkt as Jongnaamen, en huuchsönj tut weesten foont ailönj Oomram, än di ååsterlikste punkt as aw e kånt foon di Treene Struum, önj e gemiine Aastenfäil.

E kris heet tou diile: e Fååstewål önjt ååsten än da Nordfrasche Ailönje önjt weesten. Da trii grutste foon da Nordfrasche Ailönje san Sal (99 km²), Fäär (82 km²) än Oomram (20,46 km²).

Baitu foon di Ääder, wichtie struume önj e kris san di Arlau, di Ååstenou, di Såhulm Ou än di Treene.

Da tiin grutste stääse önj e kris san:

E Kris Nordfraschlönj heet trii åmtsfrie stääse, tou åmtsfri gemiine än oocht åmte.

E kris heet 131 gemiine. Kiik: List foon Gemiine önj e Kris Nordfraschlönj.

• 1970: 156.400 (wüfe: 81.300, karmene: 75.100)^[5]
• 1980: 161.800 (wüfe: 82.700, karmene: 79.100)^[6]
• 1990: 152.600 (wüfe: 78.800, karmene: 74.600)^[7]
• 2000: 164.300 (wüfe: 83.700, karmene: 80.600)^[8]

E kris wörd di 26ste önj e Gjarsmoune 1970 grünläid, eefter da üülje krise Kris Ääderstää, Kris Hüsem, et mååst foon di üülje Kris Söödtuner (suner 6 gemiine) än trii gemiine foon di üülje Kris Slaswik tuhuupeläid wörden.

• 
  E Kris Ääderstää (1965)
• 
  E Kris Hüsem (1965)
• 
  E Kris Söödtuner (1965)

E hood foon e krisdäi as e krispräsident/in. E krispräsident sunt 2020 as Manfred Uekermann.

Tååle foon manschne, deer 2019 än 2020 önj e kris suner årbe san:

Et Kliinikum Nordfraschlönj heet trii kliinike önj Naibel, Hüsem än E Wiik än en Regionaal Sünhäidssäntrum önj Taning.

 Commons: Nordfriislon – Soomling foon bile än filme

1. ↑ Statistikamt Nord – Bevölkerung der Gemeinden in Schleswig-Holstein 4. Quartal 2023 (XLSX datei) (Widjerfeerd üüb grünjlaag faan't fulkstäälang 2011) (Heelp aw tjüsch)
2. ↑ Germany: Administrative Division, citypopulation.de
3. ↑ Nordfriesland: County in Schleswig-Holstein, citypopulation.de
4. ↑ ^{4,0 4,1 4,2} Bevölkerung der Gemeinden in Schleswig-Holstein: 4. Quartal 2019, statistik-nord.de
5. ↑ Statistisches Jahrbuch für die Bundesrepublik Deutschland 1972
6. ↑ Statistisches Jahrbuch für die Bundesrepublik Deutschland 1982
7. ↑ Statistisches Jahrbuch für die Bundesrepublik Deutschland 1992
8. ↑ Statistisches Jahrbuch für die Bundesrepublik Deutschland 2002
9. ↑ Kreis Nordfriesland: Ergebnis Kreiswahl 2023.
10. ↑ ^{10,0 10,1} Statistik: Nordfriesland, Bundesagentur für Arbeit