Danis Andrieu

          Vergis humils, laqual devem lauzar
          aissi constanh, e us donar pretz e laus,
          vueilh yeu servir per aver lo repaus
          al qual manhs homs, per amor se repausa,
          he dins lo qual degun intrar non ausa
          sens lo secors vostre, n'yeu ges non aus;
          mas ges, per so, no mudi mon prepaus;
          ams hondrar vos mos cors tot jorn prepausa.

          A lauzar vos am vostre filh mot pur,
          qu'avetz noyrit am virginitat pura,
          per tostemps may yeu metray mon atur,
          disen, cantan lo pretz qu'en vos s'atura;
          suplican vos que m'arma qu'es tant dura,
          pels greus pecatz quez ay faitz am cor dur,
          sian abolits jots lo mantel segur
          vostre, per que sia mays tot jorn segura.

          [...]

          Castel d'amor, vos qu'etz naus preciosa,
          hont s'encarnec Jeshu-Crist precios,
          yeu vos supplic que l fizel amoros
          siam stablit prop de vos amorosa.^[3]