Heilbronn

Heilbronn [haɪ̯lˈbrɔn] is en Grootstadt in’ Noorden vun Baden-Württemberg un mit 125.960 Inwahner (Stand: 31.12.2018) up en Flach vun 99,88 km², söbentgröttste Stadt vun dat Bundsland. De Stadt liggt an Neckar, etwa 50 Kilometer nördlich vun de Landshööftstadt Stuttgart, is en eegen Stadtkreis un doröver herut Sitt vun den Landkreis Heilbronn, de de Stadt vullstännig ümgifft. Buterdem is Heilbronn Böverzentrum vun de Region Heilbronn-Franken, de den Nordosten vun Baden-Württemberg umfaat. De Gegend um Heilbronn wurrd in de wiedere Region meest dat Unterland nömmt.

Eerstmals 741 nömmt, kreeg Heilbronn 1371 den Status vun en Rieksstadt un entwickel sück wegen sien Laag an' Neckar af dat laat Middelöller to en bedüüden Hannelsplatz. To Anfang vun 19. Johrhunnert wurr Heilbronn en vun de Zentren vun de fröh Industrialisierung in Württemberg. De Heilbronner Oltstadt wurr bi den Luftangreep van’ 4. Dezember 1944 vullständig to Schann maakt un in de 1950er Johren weer upricht. Ut disse Tiet stammen hüüd de meest Bauwarken in de Binnenstadt.

Heilbronn is wegen sien utdehnt Rebflachen bekannt as Stadt vun den Wien. De Stadt wurrd ok Käthchenstadt nömmt, nah den Naam vun de Titelperson in Heinrich von Kleist sien Schauspeel Das Käthchen von Heilbronn.

2019 fun dor van'n 17. April bit to'n 6. Oktober de Bundsgordenschau statt.

• Chronik der Stadt Heilbronn. Stadtarchiv Heilbronn, Heilbronn 1895–2004, bitlang herutbrocht wurrn sünd de Bände I – VII (741 bit 1957) un X (1970 bit 1974)
• Marianne Dumitrache, Simon M. Haag: Archäologischer Stadtkataster Baden-Württemberg. Bd. 8.: Heilbronn. Landesdenkmalamt Baden-Württemberg, Stuttgart 2001, ISBN 3-927714-51-8.
• Julius Fekete: Kunst- und Kulturdenkmale im Stadt- und Landkreis Heilbronn. Theiss, Stuttgart 2002, ISBN 3-8062-1662-2.
• Helmut Schmolz, Hubert Weckbach: Heilbronn. Geschichte und Leben einer Stadt. 2. Uplaag. Konrad, Weißenhorn 1973, ISBN 3-87437-062-3.
• Christhard Schrenk, Hubert Weckbach, Susanne Schlösser: Von Helibrunna nach Heilbronn. Eine Stadtgeschichte. (Veröffentlichungen des Archivs der Stadt Heilbronn; Bd. 36). Theiss, Stuttgart 1998, ISBN 3-8062-1333-X.

Heilbronn. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog