African Heart Congress

African Heart Congress (AHC) is in Maart 2020 deur Moloko Mpolobosho in Ivory Park gestig. Die party is in Maart 2021 Maart geregistreer en het deelgeneem aan plaaslike verkiesings sonder om enige setels te wen.^[1] Die AHC het aan die Suid-Afrikaanse algemene verkiesing van 2024 deelgeneem,^[2] en nasionaal 16 305 stemme gekry wat 0,1̬% van die stemme verteenwoordig. Die party het geen setels gewen nie.

Die AHC is in 2020 gestig deur 'n groep individue wat weggebreek het van die African National Congress (ANC).^[3][4]

Die AHC het 'n sentrale komitee onder leiding van Mpolobosho as die president, met 'n sekretaris-generaal en ander ampsdraers. Die party het 'n klein teenwoordigheid in 'n paar provinsies, met die meeste van sy steun van die Gauteng provinsie.^[3]

Die AHC se ideologie is gesentreer rondom pan-Afrikanisme en sosialisme. Sy beleid fokus op ekonomiese bemagtiging, grondhervorming en sosiale geregtigheid.^[3]

Die AHC stel sy beleid as volgː

• "Suid-Afrika moet daarna streef om ’n beter land te wees waar mense se potensiaal om te floreer gegrond is op hul vindingrykheid en harde werk, en nie die ouderdomsbeperking en kleur nie.

• Terwyl ons streef na nie-rassige Suid-Afrika, erken ons dat daar na 26 jaar van demokrasie 'n sterk korrelasie tussen ras en sosio-ekonomiese aansien bestaan.

• Ons kan nie voorgee dat ras nie 'n primêre bepaler van die vooruitsigte van baie Suid-Afrikaners is nie. Ons moet as een optree om hierdie historiese ongelykheid aan te spreek.

• Ons moet aksie neem om die siklus van ongelykheid te breek en werklike en substantiewe beleid te implementeer wat daarop gemik is om gelykheid van geleenthede te verbeter, nie gelykheid van uitkoms nie."^[5]

Die AHC is gekritiseer vir sy gebrek aan duidelike beleid en sy vermeende opportunisme om van die ANC weg te breek. Sommige het ook Mpolobosho se leierskapstyl en die party se gebrek aan deursigtigheid in sy finansies en besluitnemingsprosesse bevraagteken.^[3]