Chris Law

Chris Law
Aelod Seneddol
Cyfnod yn y swydd 7 Mai 2015 – Mai 2020
Rhagflaenydd	Jim McGovern (Llafur)
Geni	(1969-10-21) 21 Hydref 1969 (55 oed) Yr Alban
Cenedligrwydd	Albanwr
Etholaeth	Gorllewin Dundee
Plaid wleidyddol	Plaid Genedlaethol yr Alban
Galwedigaeth	Gwleidydd
Gwefan	http://www.snp.org/

Gŵr busnes a gwleidydd o'r Alban yw Chris Law neu Christopher Murray Alexander Law (ganwyd 21 Hydref 1969); fe'i etholwyd yn Aelod Seneddol yn Etholiad cyffredinol y Deyrnas Unedig, 2015 dros Orllewin Dundee, yr Alban. Mae Chris yn cynrychioli Plaid Genedlaethol yr Alban yn Nhŷ'r Cyffredin. Cyn 2015 roedd y sedd wedi'i dal gan y Blaid Lafur am gyfnod o 65 mlynedd.^[1]

Hyfforddwyd Law fel cogydd mewn tŷ bwyta Ffrengig cyn iddo raddio yn y brifysgol, ac yna am 10 mlynedd bu'n rhedeg cwmni motobiecio yn yr Himalaya a deg mlynedd wedyn fel Ymgynghorydd Ariannol.

Yn ystod yr ymgyrch, teithiodd o gwmpas yr Alban mewn hen frigad dân o'r enw 'Ysbryd Annibyniaeth', gan annog pobl i bleidleisio dros annibyniaeth i'w wlad; cafodd gryn sylw ac mae'n gymeriad lliwgar.^[2]

Yn Etholiad Cyffredinol 2015 enillodd Plaid Genedlaethol yr Alban 56 allan o 59 sedd yn yr Alban.^[3][4] Yn yr etholiad hon, derbyniodd Chris Law 27684 o bleidleisiau, sef 61.9% o'r holl bleidleisiau a fwriwyd, sef gogwydd o 33.0 ers etholiad 2015 a mwyafrif o 17092 pleidlais.

• Alex Salmond
• Margo MacDonald
• Margaret Ewing
• Nicola Sturgeon