Shifting Shadows

Shifting Shadows is in ferhalebondel fan 'e hân fan 'e Amerikaanske skriuwster Patricia Briggs. De titel betsjut: "Ferskowende Skaden". It boek befettet tsien koarte ferhalen fan it fantasysjenre, dy't hearre ta Briggs har nau besibbe romansearjes Mercy Thompson en Alpha and Omega. De ferhalebondel hat dan ek as ûndertitel: Stories from the World of Mercy Thompson ("Ferhalen út 'e Wrâld fan Mercy Thompson"). Fan 'e tsien ferhalen binne fjouwer yn Shifting Shadows foar it earst útjûn, wylst de oare seis al earder publisearre wiene yn ferskate blomlêzings mei wurk fan oare auteurs. De bondel omfettet ek twa stikjes út romans út 'e Mercy Thompson-rige dy't fuortredigearre binne út 'e boeken dêr't se oarspronklik foar skreaun wiene. Shifting Shadows waard yn 2014 publisearre troch de New Yorkske útjouwerij Ace Books.

1. Silver
2. Fairy Gifts
3. Gray
4. Seeing Eye
5. Alpha and Omega (eins gjin koart ferhaal, mar in novelle)
6. The Star of David
7. Roses in Winter
8. In Red, with Pearls
9. Redemption
10. Hollow

• fuortredigearre stikje út 'e roman Silver Borne
• fuortredigearre stikje út 'e roman Night Broken