Las fòrmas ancianas son : Malrevet en 1390, Malravert en 1430, Malrevert en 1458, Malreverd en 1555, Maurevert en 1679 [2].
Latinizable en malum reversum (mas lo nom z-es medievau e relativament recent), Maurevers designa un travers (ravers, revers) mau expausat alh solelh, mau orientat, o eventualament aride [3],[4].
Cleyssac
Las fòrmas ancianas son : Cleisac, vès 1090, Cleyssac en 1256, Clayssacum en 1344, Locus de Cleysaco en 1427, Clissac en 1569 [5].
Segon Joan Arçac, Cleyssac vendriá probablament delh nom latin d'òme Clatius, ambelh sufixe -acum[6], çò qu'es foneticament malaisit ! Grafia Cleissac, o benleu Cleiçac o Claiçac.
La Blacha
Las fòrmas ancianas son : Boria de la Blacha en 1380, Blachia en 1477, La Blacha de Mercuer en 1507, La Blache en 1555 [7].
Una blacha z-es un cheine blanc o pubescent (que vendriá delh prelatin *blakka), mas pòt representar tanben en toponimia velaiesa un talhadís de cheines, un talhadís explotat o un terren embartassat, una barta [8]. Lo nom actuau z-es una formacion de la fin de l'Edat Mejana.
Istòria
Maurevers saguèt erigit en sucursala lo 15 d'aost de 1862. La comuna saguèt creada lo 27 mai de 1865 a partir delhs territòris de Chaspinhac e de Rosèiras[2].
Aquesta seccion es voida, pas pro detalhada o incompleta. Vòstra ajuda es benvenguda !
Malrevers
Chaspinhac 
.svg){kind=small}
